Selamat Hari Bhayangkara Ke- 74 | Kamtibmas - Kondusif - Masyarakat Semakin Produktif | Selamat Hari Bhayangkara ke-74

Wednesday, June 24, 2020

Tanuhui Dayak Ma'anyan: Yena Kesah Ulun Tatau, Iyalah Tuku Iwawara Tawe

BARITORAYAPOST.COM (Tamiang Layang) - Hanteru naan isa kepala keluarga paling tatau hang tumpuk. Balewu rean wuah wangun, makai tantang tukat hang wuang lewu, Uang duit uras sukup ganap biar 7 turunan nasandrengei puang sagar susah.

Bahkan hampe daranganpun watni sika labih isa, teka wat ulun daya eau pihidup tangan ru, Jaka tida hanteru pada tawuk iru taun 70-an kayuh midi trak ru dasar matan sugih.

Daya sa ulun lain, "Adakan sa midi bana hie, aji panguta gin katinghala, intur iah manu sipamatuk sipangekeh," Adakan kayuh midi panguta marauh aji midi rangi pun masih sa bakampat 4 iah dadu. Magan satuk nempan tau basurai nyimuh ma wuang bakam. Pokokni la welum prihatin ae.

Balalu ulun tatau na ngulah pesta kaarayen, daya kawan usaha pagawian uras sukses eleh, Ngandru nuen munu iwek wala, manu bangkok, patin sandarin uras saraba naan. Ha ngunu la pakat puntal, irap welum, sokong bantu uruk ajar leluhur takam maanyan, bu hawi kawan ulun tumpuk ngenei weah erang panuk baya duit simamutit, ne'u uma ba'arai daya here haut ngundang laku hawi.

Sadang sa babaya nyurung surah, ngami bantuan ma ampun lewu hampe huan jumpuh surah haut iah punte walewe ulun bahum. Puang usah hampe naun ibantu kami amun nelang harang-harit eauni, simuh ae ma naun.

"Kami na ngundang diatas saraba naan. Haut luput hitung kali bagi tamah kurangni pakai kuta takam erang katumpukan. Eneileh mulek mudi wat naun ri eauni," Haa...karengei sakahie pada dami luput kuman welum, uras murududai udi kan murunsia rama nien, daya uyuh amangan sa tampik ulun bantuan nelang la paduhu.

Sadang andrau, wulan bahkan hampe taun baganti, bu kasian upuni matei. Udi iru salenga mulai welum ru iah ranu, bu tabuat isurut lagu," Ipapatei hanye berjuang mempertahan panatau ru sika tatap leteng jua."

Akhirni ta'ati ulun iru ane ang kaiyuh nganti baju hang tenga. Magin matueh magin rara, nelang palus bu muneng santurui hang jumpun haket, keke mudi ma tumpuk amun ulun kapateian.

Jadi irulah pembelajaran ma takam katuluh jaman ta'ati," Puang upu wawei, ia matueh amun daya naan berkat, rajaki, talenta sa na ami Tuhan ma takam, ada budas na enei jari kasakahen. Ma aru ma ati surah ru iah tuku iwawara tawe." Daya welum takam ma hadapan ru masih rahasia.

Jari palihara mamaeh pipakatan andri katuluh ulun. Daya uang duit, harata bana ru ekat sarana penunjang welum ae. Puang amun pakai takam isasombong, isasakah ngatidaan welum ulun lain.

Tapi, pakaileh katuluhni jari saluran berkat ma ulun-ulun sa membutuhkan. Daya amun takam maeh nadap siapapun biar hang awepun takam muneng, maka takam akan selalu na itung ulun. Salam Tabe Keluarga Perdama, Selamat nampalus ulah gawi kia karaja takam masing-masing. Tuhan Memberkati. Bersambung......(Penulis: Petri Kinanti)

(Kutipan teka akun facebook 'Petri Kinanti' sebagai Penulis, Anggota group facebook Keluarga Perdama. Disusun oleh tim BRP).

Show comments
Hide comments
No comments:
Write comment



Contact Form

Name

Email *

Message *

Kapolda & Kepolisian Daerah Kalimantan Tengah, Mengucapkan| Selamat Hari Bhayangkara ke-74 debuyandi debuyandi debuyandi
Update Data Situasi COVID-19 di Provinsi Kalimantan Tengah | per Tanggal 27 Juni 2020

debuyandi
Danramil 0906-06 Samboja & Kapolsek Samboja, Mengucapkan| Selamat Hari Bhayangkara ke-74

debuyandi
Back to Top