baritorayapost.com, BARITO SELATAN – Hanteru inanaun umpu naan wawei bangaran hi Diang Piding. Wawei ime budek-budek samatan wigas nelang parekau bagawi. Jaka ngume na’un hampe ngurus lewu re’an mahi na wada dalam kategori kerajinan ru. Amun iah sakolah nai buntas dapat 8 paling ime. Ang na tarung sa katarampilan nyumpun, nguei, mantat hampe ipuru samula sa pagawian watni. Ekat sa gigiren ru matan jaka iah bana metu nai samatan gagunu daya pitamam ni. Basa ekat hanye sa sanggup erang kadaratan ngarawah tadung ngantara panganen iselem.
Sadang awuk iru pas rahat rami ulun midi ramai. Pada la uma hi Diang Piding ang hakun patanan gawi ulun rama ngantara ramai. Hinga la tulak kaayat hawi kariwe budas jalanan ru tiap andrau. Angaan paduli biar sa tenga ru babaya amau butit teka tuntin daya ikansir kauyuhan mandanan ramai teka penah janah.
Ewuh andrau iru samatan erang katumpukan ulun geger gampar kaini hi Diang Piding mudi nelang tenga daging mira marai, pama pundra sitat warat erang awe udi samar kelat. Atau paling tida ni sunah wuah tigung barat kapitu..bagaransayan kawan rai mate.
Isa rueh nunti, inun ngulah hanyu Diang…??
Hampe ang sampat nyangai hi Diang Piding, ekat sampatni ngamunang nutui niba arah janah yaru bu nyama ma dada ni, palus tariah. Ariii eau mehe, puang maleset hanye ri buntas wuah papah ulun kai memperkosa. Ngana sa hanye nien ngamunang iah wuah ikup ulun. Hayu takam babagi tenga eau pamakal. Mehe ma TKP, mehe ngenei hanye ri ma mantiri bu mehe tenga lagi ganta pangulu pakai mutus urusan na die dami haut haba pelaku ni.
Haaaa…matan erang kadengku lalan ulun tumpuk lepuh mukah nyaluk la terduga pelaku pemerkosaan terhadap hi Diang Piding nien. Ewuh hampe TKP bujur bansa erang kanatat alah linsai jumpun haket andri ira masih bisa-basi erang amau watang. Dami ngini. Hena bangkai lamu hante wayuang pada babaya kaule kakuwut hg wading watang nelang ngikup butup ramai hena buntat ete?.
Dami sa lawun na usut amaka uweng sa ulun la kai iperkosa paisa. Samata daya here rueh wayuang samatan baulai ipamapah daya barabut butut ramai. Wayuang ngeau Hak-hakkk daya emah kaini hanye. Sa hanye pada sameh mempertahan hak daya iru sa butup ramai watni. Akhirni duel here rueh ipangirah ipangakasah daya sameh mempertahan hak.
Ari inanaun umpu la masamni. Ada budas sa kakira baran kasus ulun. Takut ngulah hal purupute hampe sampat taadu hi Diang Piding andri wayuang. Tau bamateyan. (As/Red/BRP).
Oleh Petri Kinanty, Kreatif Penulis Cerita Dayak Maanyan.
